Հունաստանի հայերի միության հանդիպումը «Նոր Ժողովրդավարություն» կուսակցության Եվրախորհրդարանի պատգամավորի թեկնածու Ստելիոս Կիմպուրոպուլոսի հետ

0
140

Հունաստանի քաղաքական կուսակցությունների Եվրախորհրդարանի թեկնածուների հետ հանդիպումների շարքում, Հունաստանի հայերի միությունը՝ իր շրջանակներում գործող հայկական կազմակերպությունների ներկայացուցիչների՝ Հայկ Գասարճեանի, Տիգրան Ղալումյանի եւ Մինաս Տեր-Հովհաննիսյանի մասնակցությամբ, այսօր՝ 2 հունիս 2024-ին, հանդիպեցին «Նոր Ժողովրդավարություն» կուսակցության Եվրոխրհրդարանի թեկնածու Ստելիոս Կիմպուրոպուլոսի հետ։ Հանդիպումը տեղի ունեցավ պատգամավորի Աթենքի գրասենյակում:

May be an image of 5 people and text

Հանդիպման ընթացքում քննարկվեցին հայ և հույն ժողովուրդների ընդհանուր հարաբերությունները, Հայաստանի եւ Հարավային Կովկասի տարածաշրջանում աշխարհաքաղաքական վերջին զարգացումները, Արցախում տեղի ունեցած էթնիկ զտման ու բռնի տեղահանված հայերի հիմնախնդիրներն ու փախստականների ներկա իրավիճակը:

Հատուկ անդրադարձ է կատարվել ճշգրիտ սահմանազատման գործընթացին փոխընդունելի համաձայնության հասնելու հարցին՝ Ալմա Աթայի 21.12.1991թ. փոխհամաձայնեցված հռչակագիրը հիմք ունենալով:

Զրուցակիցների ուշադրության կենտրոնում էր նաև Հայաստանի Հանրապետության Եվրոպայի հետ մերձեցման գործընթացը, ՀՀ պետական կառույցների արդիականացման խնդիրները՝ շեշտը դնելով ԵՄ շրջանակներում Հայաստանի Հանրապետության ընդհանուր աջակցության կարևորության վրա։ Հունաստանում բնակվող և աշխատող ՀՀ քաղաքացիների խնդիրները նույնպես շոշափված թեմաների շարքում էին։