Պուտինի մերձավոր շրջապատից մի անձ նրա հետ սուր վեճի է բռնվել Ուկրաինայում բանակի սխալների շուրջ. Washington Post

0
87

Վլադիմիր Պուտինի մերձավոր շրջապատից մի անձ, որի անունը չի հաղորդվում, նրա հետ զրույցում սուր վեճի է բռնվել և ուղիղ մատնանշել է Ուկրաինայում բանակի սխալները և անհաջողությունների պատճառները, հայտնում է The Washington Post ամերիկյան պարբերականը, նշելով, որ իր տեղեկությունը ստացել է Ուկրաինայի հետախուզությունը:

Ըստ աղբյուրի, ամերիկյան հետախուզական կառույցները միջադեպի մասին հաղորդել են նախագահ Ջո Բայդենին:

Անձը Պուտինի հետ լարված զրույցում մտահոգություններ է հայտնել «հատուկ ռազմական օպերացիայի» ընթացքում բանակի ղեկավարների թերի աշխատանքի և գեներալների թույլ տված սխալների մասին:

Ըստ The Washington Post-ի, նախկինում Պուտինի շրջապատում նրա հետ ակնհայտ անհամաձայնության դեպքերի մասին տեղեկություններ չեն եղել:

Կրեմլի խոսնակ Դմիտրի Պեսկովը հայտարարել է, թե «Պուտինի շրջապատից նրան մարտահրավեր նետելու մասին ամերիկյան հետախուզության հաղորդած լուրը որևէ առնչություն չունի իրականության հետ»: Պեսկովը հավելել է, որ Ռուսաստանի ղեկավարության շրջանում «լինում են աշխատանքային վեճեր, որոնք չեն վկայում պառակտումների մասին»: