ՀԱՂՈՐԴԱԳՐՈՒԹՅՈՒՆ
Հունաստանի հայերի միությունը ողջունում է, օգոստոսի 8֊ին Վաշինգտոնում ստորագրված եռակողմ փաստաթուղթը, որը եկավ ամրապնդելու է Հայաստանի Հանրապետության սահմանների անձեռնմխելիությունը և երկրի անվտանգությունը։
Փաստաթուղթը արդյունքն է ՀՀ իշխանությունների Հայաստանը, որպես ԽԱՂԱՂՈՒԹՅԱՆ ԽԱՉՄԵՐՈՒԿ վերջին 3 տարիների վարած հետևողական քաղաքականության և ակտիվ դիվանագիտության, որով ամրապնդվում է Հայաստանի ինքնիշխանությունը հակառակ վերջին հինգ տարիների արտաքին ուժերի կողմից ստեղծված բազմաթիվ սպառնալիքների և խոչնդոտների։
Հրապարակված Պատմական փաստաթուղթը ողջունվել է ՀՀ բոլոր բարեկամ երկրների կողմից, (այդ թվում եվրոպական ընտանիքի, արաբական աշխարհի, Իրանի, Հնդկաստանի և այլ երկրների կողմից) որովհետև այն բերում է ոչ միայն անվտանգություն և բարգավաճում Հայաստանի համար, այլ կայունություն, զարգացում և խաղաղություն ողջ տարածաշրջանի համար։
Հունաստանի հայերի միությունը կոչ է անում ողջ հայությանը` ՀՀ ժողովրդին և սփյուռքահայությանը, շարունակել մնալ աչալուրջ, անտեսել օտարամետ և խավարամիտ կողմերի ապատեղեկատվությունը և աջակցել ՀՀ քաղաքացիների կողմից ժողովրդավարորեն ընտրված իշխանությանը։
Փառք նահատակներին,
Կեցցե հայոց պետականությունը